ಸ್ನೇಹ

ಯಾವ ಜನುಮದ ನಂಟೋ ಏನೋ 

ನಿನ್ನ ಸ್ನೇಹವ ಪಡೆದಿಹೆ

ಎಲ್ಲಿಯದೋ ಸಂಬಂಧವೇನೋ 

ನನ್ನ ನಿನ್ನೆದೆ ಸೆಳೆದಿದೆ

ನಿನ್ನ ಸ್ನೇಹದ ಮೂರ್ತಿ ಕೆತ್ತಿದೆ

ನಿನ್ನ ನಗುವಿನ ಬೆಳಕ ಹಚ್ಚಿದೆ

ನಿನ್ನ ಸ್ನೇಹದ ಹೊಳಪ ಮೆಚ್ಚಿದೆ

ನಿನ್ನ ಭಾವಕೆ ಮನವು ಬಾಗಿದೆ

ಹಸೀನಾ, ನಿನ್ನ ಹೆಸರದು

ಅದುವೇ ಅದ್ಭುತ

ನಿನ್ನ ಒಲವಿಗೆ ನಾನು ಭಾವುಕ 

ಮಧುರ ಸ್ನೇಹದಿ ಕೈಯ್ಯ ಚಾಚುತ

ಹೇಳುತಿದೆ ಈ ವೀಣಾ Haseena I Miss U...

I wish to dedicate this poem to my friend Haseena. I am very very happy to have such a great friend.

ಬರುವೆಯಾ ಒಮ್ಮೆ

ಕನಸಲ್ಲಿ ಕರೆದೆ 

ಕನವರಿಕೆ ನಿನದೆ 

ಕಣ್ಣಲ್ಲಿ ಕರೆಯೊಮ್ಮೆ

ಮನಸೋತು ಗೆಳೆಯ..

ಕಂಡರಿಯದ ದಾರಿಯಲಿ 

ಬರಸೆಳೆದು ನಡೆ ಮುಂದೆ.

ನನ್ನೊಲವಿನ ನಡುವೆ 

ನಿನ್ನೊಮ್ಮೆ ಮರೆ ನೀನು ..

ಬರುವೆಯಾ.? ಗೆಳೆಯ..

ಮಬ್ಬು ಕತ್ತಲೆಯೊಳಗೆ 

ಬಿದಿಗೆ ಚಂದ್ರಮನಂತೆ.

ಮುಸ್ಸಂಜೆಯಲಿ ಕಾವೇರಿಯ 

ರವಿಕಿರಣ ಚುಂಬಿಸುವಂತೆ..

ನೆಪ..

ನೆಪದಲ್ಲಿ ಬಂದ 

ಸಂಬಂಧದ ಸಂಕೋಲೆ

ಬಿಡಿಸಲಾರದ ಕಗ್ಗಂಟು..

ಅಳೆದಷ್ಟು ಅಗಲ

ಬಗೆದಷ್ಟು ಬಹಳ

ಸ್ನೇಹದ ಆಸರೆಯು 

ಪ್ರೀತಿಯ ಸಿಂಚನವು 

ನಗುವಿನ ಅರಳುಮಲ್ಲೆ

ಹರಡಿರಲು ಮೆಲ್ಲಗೆ 

ನನ್ನಲ್ಲಿ ಚೇತನ

ದಿನದಿನವೂ ನೂತನ

ಹೀಗಿರಲು ಜೀವನ..

ನನ ಬದುಕು ಪಾವನ...

ನೆನಪು

 
ಎಂದೋ ಮರೆತ ಹಾಡು 

ಗುನುಗುನಿಸುತಿದೆ ಇಂದು 

ಏನಿದರ ರಹಸ್ಯ 

ಅರಿಯಲಾರದೆ ಹೋದೆ 

ತಡಕಾಡಿದೆ ಮನವ

ಮಿಡುಕುತಿದೆ ಸಂದೇಹ

ಮಸುಕು ಬೆಳಕಲಿ 

ಜನರು ನಡೆಯುವಂತೆ .

ಇಹುದೊಂದು ಸತ್ಯ 

ಒಪ್ಪಲೂ ಮನಸ್ಸಿಲ್ಲ 

ಹೃದಯನಾಡಿಯ ಮಾತು 

ಒದರಿದಂತೆ..

Hello

Hearty Welcome to my blog....