ಭಾವುಕತೆ

ನನ್ನೊಲವು ನನ್ನಿನಿಯ 

ನೆನೆಸಿಕೊಳ್ಳಲೇ ಸೊಗಸು 

ಕೈ ಮಾಡಿ ಕರೆವಾಸೆ 

ಮನಸೊಳಗೆ ಕನಸೊಳಗೆ 

ಪ್ರತಿ ಕ್ಷಣವೂ ಎಡಬಿಡದೆ.. 

ಪ್ರೀತಿ ಹಾಡಿನ ಕವನ 

ಮಧುರ ಮೋಡಿಯ 

ಯುಗಳ ಗೀತೆ 

ಇಳಿದಾಗ ಎದೆಯೊಳಗೆ 

ಹೇಳತೀರದ ವಿರಹ 

ನಿಮಿಷದೊಳಗೆ.. 

ನಿಜಹೇಳುತಿದೆ ಅಂತರ್ಯ 

ಮಾರುಹೋದೆಯೆ ನೀನು 

ಭಾವಪರವಶೆಯಲ್ಲಿ ಲೀನವಾಗಿ;

ತೀರಲಾರದ ಆಸೆ 

ಮೂಕ ಹೃದಯದ ಭಾಷೆ

ಹೆಪ್ಪುಗಟ್ಟಿವೆ ಭಾವಗಳು 

ಮೋಹದೊಳಗೆ.. 

              -- ಮೌನವೀಣೆ

ಅರಿಯದ ಭಾವಗಳು!!

 

ಎತ್ತ ಹೋಗಿದೆ ಏನು ಆಗಿದೆ 

ಒಂದೂ  ತಿಳಿಯದ ಜೀವನ 

ದಿಕ್ಕು ಕಾಣದೆ ಕಣ್ಮುಚ್ಚಿ ಸಾಗಿದೆ 

ನೀನು ಇಲ್ಲದ ಕಾರಣ.

ತಿಳಿಯದಾಗಿದೆ 

ನೆಪಗಳು ಕಾಡಿವೆ 

ಒಂಟಿ ಬದುಕಲಿ ಮೌನವು

ಹೇಳುವಾಸೆಯು ಹೆಸರೇ ತಿಳಿಯದು 

ಬಗೆಯೇ ಅರಿಯದ ಭಾವವು??!

ಮೂಕ ವಿಸ್ಮಿತ ಒಮ್ಮೆ ಭಾವುಕ

ಏನು ವಿಸ್ಮಯ ಜಗವಿದು 

ಎಲ್ಲ ಮರೆತಿದೆ ಬದುಕೇ ಕಲಿಸಿದೆ

ಏನೂ ಅರಿಯದೆ ನಗುವುದು.